यस सुनकोशी गाउँपालिका मार्फत पशु विमा गरेको गाईको मृत्यु भएकोले उक्त विमा वापतको रकम वडा. नं. ६ बस्ने कृषक शारदा कार्कीलाई गाउँपालिका अध्यक्ष दिपा वोहोरा दाहाल र उपाध्यक्ष कपिल कुमार कोइराला मार्फत चेक हस्तान्तरण गरियो ।

सुनकाेशी गाँउपालिकाका अध्यक्ष श्री दिपा बाेहाेरा दाहाल ज्यूले सुनकाेशी गाँउपालिकाकाे आर्थिक बर्ष २०८१।०८२ काे बजेट,नीति ,याेजना तथा कार्यक्रमकाे प्रभावकारी कार्यान्वयनका लागि प्रमुख प्रशासकीय अधिकृतलाई समयमै (मिति २०८१।०३।२५ गते)निर्णय गरि खर्च गर्ने अख्तियारी प्रदान गर्नुभएको छ ।

"दिगो र गुणस्तर युक्त संरचना हाम्रो पहिचान

सुरक्षित पानी सफा र स्वच्छ गाउँ हाम्रो अभियान"

भन्ने मूल नाराको साथ सफा र स्वच्छ समुदाय घोसणा तथा खानेपानी तथा सरसफाई आयोजना उद्घाटन समारोह मिति २०८१ असार ३१ गते सुनकोशी गाउँपालिका वडा नं ३ शिखर कटेरी देउरालीमा माननीय श्री राजन दाहाल ज्यू को प्रमुख आतिथ्यता, सुनकोशी गाउँपालिका अध्यक्ष श्री दिपा वोहोरा दाहाल ज्यू र उपाध्यक्ष कपिल कुमार काेइराला ज्यूको विशेष आतिथ्यता, प्रमुख प्रशासकीय अधिकृत अर्जुन दर्जी र सु.गा.पा. वडा नं ३ का अध्यक्ष श्री चन्द्र श्रेष्ठ ज्यू लगायतको उपस्थितिमा सम्पन्न भयो ।

सुनकोशी गाउँपालिकाको आ.व. २०८०/८१ को स्वीकृत वार्षिक मेड्पा कार्यक्रम अन्तर्गत उपयुक्त प्रविधि तथा समुहमा प्रविधि हस्तान्तरण कार्यक्रम गा.पा. अध्यक्ष दिपा वोहोरा दाहाल, उपाध्यक्ष कपिल कुमार कोइराला, प्रमुख प्रशासकीय अधिकृत अर्जुन दर्जी लगायतको उपस्थितिमा सम्पन्न भयो ।